Малите партии велат се задоволни што наидуваат на поддршка за промена на изборниот модел и се надеваат дека сите партии ќе постигнат согласност по ова прашање.
Но, тие се децидни дека промената на изборниот модел од шест во една изборна единица е позитивен чекор, но дека тоа не значи поддршка на идејата на Мицкоски за предвремени парламентарни избори.
„Право на опозицијата е да бара предвремени избори, но ДОМ не планира да ја промени страната, ниту да биде една од партиите што ќе поддржи распуштање на Собранието, изјави претседателката на ДОМ, Маја Морачанин дополнувајќи дека барањето на помалите партии за една изборна единица воопшто не е поврзано со барањето на опозицијата за предвремени парламентарни избори.
Оградување за иницирање на предвремени парламентарни избори имаше и од страна на Демократскиот сојуз.
„Демократскиот сојуз не учествува во никакви активности на опозицијата. Не сме дел од нивниот процес ниту учествуваме во пазарења за промена на мнозинството или во иницирање предвремени избори, вели лидерот Павле Трајанов.