Основниот суд Скопје 1 вечерва преку соопштение објави дека против ниту еден од осомничените кои денеска беа на распит пред судија на претходна постапка, не е донесена мерка претпазливост како што бараше СЈО.
– Судијата на претходна постапка го одби барањето како неосновано и одлучи да не определи мерки за претпазливост. Во рок од 24 часа СЈО има право да поднесе жалба до Кривичниот совет при Основен суд Скопје 1 – Скопје , се вели во соопштението.
Претходно Специјалното обвинителство побара од судот да им изрече такви мерки на осомничените во случајот, односно за претседателот на ВМРО ДПМНЕ и екс премиер Никола Груевски, поранешниот министер за транспорт и врски Миле Јанакиевски и градоначалникот на Гази Баба Тони Трајковски за случајот ТНТ, односно за рушењето на комплексот Космос.
Груевски, Јанакиески и Трајковски денеска на распитот негираа вина за случајот.