Се одлагаат сите операции и прегледи во наредните три дена на Клиниката за дигестивна хирургија. Ќе се примаат само итните случаи, сите останати ќе бидат вратени. Вака утринава одлучиле хирурзите, во знак на револт бидејќи нивниот колега беше застрелан од роднини на почната пациентка.
Кога разбрал дека лекарите не сакаат да работат, дека нема да има операции, министерот Тодоров сам отишол кај нив да разговара, да ги убеди да се вратат на работа.
„Дојде министерот , но ние остануваме на нашиот став. Нема да оперираме три дена, а може и повеќе во знак на револт, а и додека не се исполнат некои од барањата меѓу кои е да имаме постојано обезбедување “, велат за НОВА лекари од Клиниката.
И синдикатот на клиниките го повикува членството утре во 10 часот да дојдат во паркот кај хелиодромот на полчасовен протест во знак на поддршка за хирургот во кој беше пукано, како и да се изрази револт за статусот што го има лекарската професија.