Пакистанката Бадам Зари, која не умее да пишува и чита, е првата неписмена жена која ќе се кандидира за пратеник во племенската област на која и се закануваат талибанците.
Иако има мали шанси за победа, нејзиниот ентузијазам е огромен со оглед на тоа дека прави голем чекор за еманципацијата на жените во еден од најконзервативните делови во Пакистан, каде што на жените им е забрането да гласаат.
„Учествувам страсно во изборите, со чисто срце и чиста совест. Сакам да ги едуцирам идните генерации на девојчиња и жени, и сакам да им служам. Знам дека сум прва жена која учествува на изборите и се надевам дека ќе победам“, вели оваа 53-годишна Пакистанка во изјавата за АФП.
Таа во изборната трка ќе учествува како независен кандидат и истакнува дека нема од што да се плаши, но признава дека нема да и биде овозможено да ја води својата кампања јавно.