Официјалните бројки на Европската унија, објавени во вторникот покажуваат дека невработеноста во еврозоната достигнала рекордно високо ниво од 12.0% во февруари, младите луѓе страдаат најмногу од тоа.
Стапката од 11.9% во јануари, е ревидирана до 12.0%, што значи дека континентот поминал неколку последователни месеци на новото рекордно ниво.
Околу 19 милиони луѓе во еврозоната се без работа, од кои 3.6 милиони од нив на возраст под 25, што значи дека скоро една млада личност на секои четири, е без работа.
Споредено со истиот месец претходната година, вкупната бројка на невработени во еврозоната се зголеми за 1.8 милиони, додека депримираните економии во јужниот дел на Европа страдаат најмногу.
Постои мала надеж дека Европа ќе се врати на раст во овој квартал, особено во пресрет на неуредната и бурна финансиска помош за Кипар.
Европската централна банка ќе одржи состанок подоцна оваа недела за да разговара за монетарната политика за прв пат после договорот за помош.
ЕЦБ и натаму е под притисок да ги намали каматните стапки.