Илјадници Британци погодени од поплавите го минаа Божиќ без струја, после бурата и обилните дождови кои ја зафатија земјата.
Десетина илјади луѓе, мноштвото од јужна Англија, останаа без струја на Бадник, а инженерите излегоа на терен на Божиќ за да ги поправат дефектите кои ги предизвика невремето.
Ветровите кои дуваа со 145 километри на час ја погодија Британија и Франција во понеделникот и вторникот, а обилните дождови ги парализираа и возовите, откажани се и летовите, а траектите не испловуваат.
Во изминатите три дена загинаа петмина, меѓу кои и човек кој се обидувал од реката да го спаси своето куче. Илјадници луѓе се евакуирани.