Поголема група млади десничари го прекинале говорот на српскиот претседател Тома Николиќ на Газиместан на Косово каде што тој беше дојден да положи венец на спомен обележјето на косовските борци, јавуваат српските медиуми.
Тие извикувале “го издаде Косово”, Томо Шиптар”, “Вулин Шиптар” додека друга група млади му аплаудирала на претседателот викајќи “да живее Србија”, “да живее Томислав Николиќ”.
Претседателот во повеќе наврати сакал да ја смири ситуацијата велејќи дека “сите сме Срби” но сепак говорот е прекинат а полицијата не интервенирала.
Николиќ порача дека Србија и понатаму ќе продолжи да се бори за својата света земја и дека ќе преговара со сите. Според него, Газиместан е светата земја каде што пред 625 години била водена одлучувачката битка во која српските јунаци се бореле за своите куќи и послабите.
На сите кои го прекинале говорот Николиќ им рекол дека во 1389 година тука се собрале сите кои заедно се бореле против отоманското царство. “Така да му свиркаа на Лазар кога ги повикал на бој, вие денес нема да имавте каде да дојдете”, рече Николиќ.
Денес на овој простор живеат, вели Николиќ, “комшиите Албанци кои тука градат куќи” и им посака среќа но исто така им рече дека треба да знаат дека градат на српска земја. “
Се што ќе изградат нема им биде вечно но нека знаат дека градат на српска земја”, рече тој.