Најмалку 10 000 тутунарски семејства ќе останат без основната егзистенција. Вчера, на 15 март заврши законскиот рок за откуп на тутунот. За тутунопроизводителите ова беше најлошиот откуп до сега. Владата на Груевски ги остави тутунарите на милост и немилост на откупувачите кои тутунот им го ценеа по една до две класи подолу а со тоа и цената беше значително по ниска од ланската. Исто така близу 1 милион килограми сеуште не се откупени, истакна пред новинарите Ленче Николовска, претседателка на Советот за земјоделство и рурален развој.
– Но голгота на тутунопроизводителите не завршува тука, сега на стартот на новата реколта тие се соочуваат со уште поголем проблем -Откупувачите не им склучуваат нови договори.
– Производството и продажбата на тутун кај нас е регулирано со закон. Производителот не смее да продава тутун без претходно склучен договор, а најголемиот откупувач „Соко таб“ но и останатите тутунски компании им откажуваат соработка на голем дел од долгогодишните кооперанти.
Во едно село од 120 тутунари договор им продолжиле само на двајца. Паниката и стравувањата на земјоделците се оправдани, за најголемиот дел од 40 000 семејства, тутунот е основна егзистенција и можност да се прехрани семејството.
СДСМ бара Владата да не стои настрана од овој проблем на земјоделците. Во спротивно, доколку повторно Груевски ги остави на цедило тутунарите, пораката ќе биде јасна, него не го интересира ниту производството на тутун кое годишно носи 100 милиони евра девизен прилив, ниту егзистенцијата на овие земјоделци, смета Николовска.