Генералниот секретар на СДСМ Љупчо Николовски на прес-конференцијата одржана во хотелот Белви по затворањето на избирачките места се заблагодари на граѓаните и институциите и најави победа на предвремените парламентарни избори.
-Денеска имавме мирен и здравствено безбеден изборен ден како што доликува на демократска држава и следен преговарач со ЕУ. Благодарност до сите граѓани, почитувајќи ги мерките за заштита од Ковид-19. Чинот на гласање е наша одговорност и наш влог во демократскиот прогрес и напредок. Сведоци сме на професионално спроведен изборен процес. Треба да бидеме горди.
Потврдуваме дека нашите институции може да се носат со сите предизвици и да обезбедат слободен, фер процес. На членовите на избирачките одбори и претставници на изборните комисии и полицијата и здравствени работници и сите останати им благодариме. Очекуваме првични резултати. Очекуваме резултатите да ги потврдат бројните анкети за кои бевме сведоци во текот на кампањата.
Првичните резултати покажуваат големо водство на СДСМ и коалицијата. Очекуваме сигурна победа на нашиот концепт кој води напред и европска интеграција. Во оваа прилика им благодарам на граѓаните и институциите за тоа што денот мина во најдобар ред. Очекувам и другите политичи субјекти да честитаат за успешно спроведениот европски изборен процес, рече Николовски.