Во февруари годинава во државата влегла пратка на алкохолен пијалок со поголема количина на кофеин од дозволеното, соопшти денеска дополнителниот заменик министер за земјоделство, шумарство и водостопанство Љупчо Николовски. Тој обелодени документи од Институтот за јавно здравје од кои се гледа дека примерокот не одговара на Правилникот за храна, во делот на адитивите. Овој пијалок вели преставува закана за здравјето на граѓаните посебно ма младите.
„ Барам одговори од директорот на агенцијата за храна и ветеринарство, Зоран Поповски, кој дозволил на пазарот во Македонија во февруари да влезе пратка и да се продава пијалок кој претставува закана за јавното здравје на граѓаните, а посебно на младите, што е превземено по стручното мислење добиено од Институтот за јавно здравје од 12.02.2016 година.
Како и по кој правилник или одредба од законот преку АХВ е дозволено на пазарот во Македонија да се најде производ алкохолен пијалок со висока содржина на кофеин?
Дали за оваа пратка од февруари АХВ има донесено решение за повлекување, уништување, ставање вон промет или други мерки“, праша Николовски.
Тој нагласи дека врз основа на Законот за безбедност на храна, Агенцијата за храна и ветеринарство е надлежна и одговорна да обезбеди високо ниво на заштита на здравјето на луѓето и интересите на потрошувачите во однос на храната.
Фискална сметка, како доказ дека алкохолниот појалок го има во продажба