Кандидатот на Демократската партија Бил де Блазио e новиот градоначалник на Њујорк, и со тоа стави крај на 20-годишното владеење на Републиканците со големото јаболко, јавува Си-Ен-Ен.
-Ти благодарам Њујорк, напиша Блазио на својот профил на Твитер, набрзо по затворањето на гласачките места и објавувањето на резултатите од изборните анкети.
Со скоро сите гласови изброени, тој го наследува Мајкл Блумберг, кој 12 години беше на функцијата во Њујорк.
Вирџинија исто така е добиена од Демократите, со Тери Маколиф, кој доби тесна победа над Републиканецот, Кен Кучинели.
Маколиф, кој е поранешен претседател на Националниот комитет на Демократската партија и близок пријател на семејството Клинтон, освои 47 проценти од гласовите, додека за конзервативецот Кучинели се изјаснија 46 отсто од гласачите во Вирџинија.
Републиканците победија во Њу Џерси, каде нивниот кандидат Крис Кристи беше реизбран на гувернерската функција.
Кристи освоил 68 проценти од гласовите, додека неговиот главен противкандидат, демократката Барбара Буоно 30 проценти, но гласовите се уште се нецелосни.
Кристи се смета за ден од најпопуларните Републиканци и неговото име се споменува за 2016, како кандидат на Републиканската партија за претседател на САД.