Трет случај на заразен од нов вид на вирус групата на САРС во Велика Британија е регистриран во последната недела. Пациентот се заразил од роднина, и со него бројот на заразени со САРС во светот се зголеми на 11. Петмина се веќе починати. Пациентот се наоѓа на интензивна нега и не патувал надвор од Англија.
,,Потврдена е инфекција од новиот коронавирус во личност која нема неодамнешна историја на патување до Блискиот Исток, што наведува на размислување дека се случил пренос од човек на човек, и тоа се случило во Британија”, изјави Џон Вотсон, првиот човек за респираторни болести во Агенцијата за заштита на здравјето.
Повеќето од заразените пациенти се од Блискиот Исток или престојувале таму. Светската здравствена организација го идентификува новиот вирусот како коронавирус NcoV од групата на САРС(тежок акутен респираторен синдром). Од вирусот на САРС во 202 година беа заразени 8000 луѓе ширум светот, десетици починаа. Симптомите заеднички за двата вируса, вклучуваат тешки респираторни болести, треска, кашлање и тешкотии во дишењето.