Поранешниот шеф на американската Федерална агенција за воздухопловство верува дека членовите на посадата на исчезнатиот Боинг 777, херојски загинале во обид да го спасат авионот од пожар.
Били Винсент, кој е чело на Агенцијата бил во 80-тите години, ја отфрла теоријата за терористички напад или самоубиствена мисија, објавува „Јутарњи лист“.
Тој верува дека пилотот и посадата се бореле со огнот во делот за багаж на авионот, пред сите да бидат совладани од чадот.
– Досега објавените податоци најверојатно упатуваат на проблеми со опасни материјали. Такво сценарио започнува со ерупција на опасни материјали внатре во просторот за багаж, било да се непрописно запакувани или илегално испратени, а може и двете, вели Винсент, експерт кој работеше и на случајот Локерби.
Винсент верува дека пожарот започнал во просторот за багаж и дека целосно ги уништил комуникациските системи. Тврди дека отровната пареа и чадот брзо ја совладале посадата, патниците и кокпитот.
Винсент претпоставува дека еден од пилотите успеал да си ја стави маската за кислород и да го врати Боингот на курсот кон Куала Лумпур. Наглите качувања и спуштања ги објаснува со фактот дека посадата од силниот чад ништо не можела да види, се додека не се стабилизирале на 11,50 метри.
„Авионот тогаш продолжил да лета се додека не останал без гориво, а потоа се урнал, најверојатно во океанот“, вели Винсент.
Тој верува дека Боингот 777 не бил саботиран.
„Не постои ниту една индиција дека пилотите се поврзани со исчезнувањето на авионот. Прашањето за двајцата пилоти со украдени пасоши е многу едноставно, тие само сакале по илегален пат да побараат статус на бегалци во Германија. тоа е тоа“, тврди Винсент.