Со резултат 6-3, 3-6, 6-7 вториот најдобар тенисер според рангот, Новак Џоковиќ го победи Роџер Федерер на синоќешното финале на Индијан Велс.
Почетекот од мечот му припадна на Федерер кој набрзина дојде до предност од 3:0 а првиот сет го заврши со 6-3. Во вториот пак, Федерер имаше доста неизнудени грешки, и слаб сервис по што оваа ситуација во осмиот гем ја искористи Србинот кој дојде до брејк (5:3), а потоа и отсервира за израмнување во сетови 1:1.
На отворањето на третиот сет, поточно во третиот гем Ѓоковиќ повторно направи брејк, меѓутоа Швајцарецот возврати во десетиот гем кога српскиот тенисер сервираше за победа.
Победникот на мечот беше одлучен во тај-брејк каде што како подобар се покажа Новак Ѓоковиќ кој го доби со 7-3 и го освои 17-тиот Мастерс турнир во неговата кариера.
Ова воедно е и трет триумф на Индијан Велс за вториот најдобар тенисер според АТП листата, откако претходно ги освои трутнирите во 2008 и 2011 година. Инаку и прв трофеј годинава.
Кај дамите, Италијанката Флавија Пенета ја порази Радванска со 6-2, 6-1 освојувајќи ја најголемата титула во својата кариера.
Триесет и двегодишната ветеранка која моментално е на 21 позиција на ВТА листата одигра моќно и сигурно против Агњешка Радванска која поради повредата неможеше да даде поголем отпор, па така мечот заврши по само 75 минути.
Пенета која нема освоено ВТА турнир од 2010 година, сега има вкупно 10 титули.