Од денеска се емитува логото на новиот канал, грчката јавна телевизија и тоа на фрекфенцијата на поранешната грчка државна телевизија ЕРТ.
Оваа одлука е донесена по синоќешното гласање во ресорната комисија за предлог-законот за основање на Ново грчко Радио, Интернет и телевизија, или само Нерит, како нов национален радиодифузер.
Предлог-законот доби поддршка само од коалициските партии во Владата, Нова демократија и ПАСОК, додека останатите партии беа против. Дебатата за новиот закон ќе заврши утре.
Заменик министерот Пантелис Капсис задолжен за новата државна радиотелевизија, изјави дека медиумот наскоро ќе почне да емитува програма, дека во прашање се „денови и часови“ и а стартот ќе започне со емитување на играни и документарни филмови, како најава за започнување на Нерит.