Ал Џезира денеска го повтори повикот за ослободување на новинарите затворени во египетските затвори. Новинарите, Питер Грест, Мохамед Фами и Бахер Мохамед се затворени во Египет веќе 100 дена.
Денеска, од Ал Џезира ја повикаа меѓународната заедница да се приклучи на апелот за ослободување на новинарите, преку индивидуални пораки на социјалните медиуми.
Четвртиот новинар на Ал Џезира, Абдула ал-Шами е затворен во Египет повеќе од шест месеци а штрајкува со глад од 23. јануари. На 13.март доби дополнителни 45 дена во затвор.
Ал Џезира цврсто стои за нив отфрлувајќи ги обвиненијата, и побара итно ослободување.
Уште еден од новинарите на глобалната мрежа, Мохамед Бадр беше уапсен на 15. јули а осолободен на 5. февруари.
„Мохамед, Бахер и Питер се наоѓаат зад решетки во Египет веќе 100 дена само заради тоа што си ја вршеа работата“, вели Ал Ансти, генералниот менаџер на англиска Ал Џезира.
„Обвиненијата против нив се лажни и неосновани, и нема оправданост за нивното притворање во толкава долг период. Ќе продолжиме да бараме нивно итно ослободување, како и за нашиот колега од арапска Ал Џезира, Абдула Ал Шами, кој се наоѓа во затвот веќе 236 дена“.
Тој изрази благодарност за поддршката од целиот свет. Според него, поддршката е огромна.