Шпанскиот весник „Ел Мундо“ објави документ, според кој, американската Национална Агенција за Безбедност шпионирала над 60 милиони телефонски повици во Шпанија меѓу декември 2012 и Јануари 2013. Според „BBC“ освен телефонските повици, шпионирани биле и СМС-пораки и и-мејлови на граѓаните на Шпанија.
Документот на „Ел Мундо“ пак, бил обезбеден од поранешниот вработен во оваа агенција, протекувачот Едвард Сноуден.
Амбасадорот на САД во Мадрид е повикан денес на состанок во Министерството за надворешни работи да одговори на наводите.
Овој извештај доаѓа по тензиите дека НСА шпионирала милиони телефони во Франција и Германија, меѓу кои и телефонот на канцеларката Ангела Меркел.