Како што информираше на денешната прес конференција Благојче Котески, советник во општина Битола, од НСДП, на седницата на Комисијата за контрола на материјално-финансиското работење свикана на ден 19.11.2013 г. од страна на претседателот Николче Јанкуловски, правата на членовите кои ја претставуваат опозицијата биле грубо прекршени.
„Не ни беше дозволено преку Kомисијата до општинската администрација да побараме информација за материјално финансиското работење на Општината“, вели Котески.
Членовите на Kомисијата побарале од страна на комисијата и општинската администрација да им бидат дадени детални аналитички картици само за 15 ставки, за да видиме како и каде е потрошена, во овај квартал или за последните 3 месеци оваа фрапантна сума на средствата од Општинскиот буџет.
Вкупната сума на овие ставки е речиси 2.700.000 евра, од кои поинтересно е да се споменат:
Расходи за репрезентација 84,189.04 €
Др. договорни услуги 116,655.58 €
Др. оперативни расходи 158,507.61 €
Услуги за копирање,
печатење и издавање 79,380.62 €
„Повторно ќе потенцирам, рече Котески дека не е јасно каде се потрошени 2,7 милиони евра општински пари за последните три месеци. За жал, пред седницата а и на самата седница на Советот не добивме одговор на овие прашања“.
– Чие интереси тука штити претседателот на Комисијата, г-динот Николче Јанкуловски?
– Дали со ваквиот пристап во работата ги штити интересите на граѓаните на Општина Битола кои му го дале мандатот, или штити нечии други повисоки интереси?
„Бидејќи ова однесување на претседателот на Комисијата како и на службите од Општината трае во континуитет, ние членовите на оваа комисија од страна на опозицијата Васко Ковачевски и јас Благојче Котески нема да бидеме дел од овие манипулации со Буџетот на Општина Битола и со парите на граѓаните. Затоа од минатата седница го замрзнавме нашето учество во оваа Комисија се до моментот кога ќе ги добиеме бараните информации“, рече на денешната прес конференција Благојче Котески, советник во општина Битола.