Американскиот претседател Барак Обама го информира Конгресот дека распоредил 275 војници за обезбедување на американската амбасада во Багдад.
Објавата на Барак Обама е во согласност со федералниот закон кој му дава овластување на американскиот претседател да испраќа сили во странска воена мисија без да бара согласност од Конгресот.
“Овие сили ќе бидат распоредени за заштита на американските граѓани и имотот, доколку е потребно, и опремени се да се борат”, рече претседателот на САД во писмо до пратениците, изјавија официјални лица.
“Овие сили ќе останат во Ирак се додека безбедносната ситуација не станува таква што тоа веќе нема да биде потребно”, рече Обама.
Околу 160 војници веќе се во Ирак, вклучувајќи и 50 маринци, а некои од нив неодамна пристигна во земјата, јавува АП.
Исто така, САД ќе испрати повеќе 100 војници во блиска трета земја, како резервна варијанта, ако биде потребно.
До ова доаѓа откако сунитските милитанти на Исламската држава Ирак и Левант освоија големи делови во северен Ирак и напредуваат кон Багдад.
Паѓањето на Тал Афар, на околу 420 километри северозападно од Багдад се случи само неколку дена откако Исламската држава Ирак и Левант ги освои Мосул и Тикрит.