Со европската турнеја по Европа американскиот претседател Барак Обама има намера да ги смири сојузниците на Вашингтон во период на разгорување на кризата со Русија и нуклеарните преговори со Иран.
Првичната цел беше Барак Обама да го поздрави напредокот во спречувањето на ширењето на нуклеарниот материјал, а што е приоритет уште од неговиот прв мандат од 2009 година, но, тие планови ги помати руската активност на Крим и токму таа ќе доминира на самитот за нуклеарна безбедност во Хаг.
Во Брисел во среда Барак Обама ќе одржи состанок на врвот со челниците на институциите на ЕУ, со претседателот на Советот на Европа, Херман ван Ромпуј, и со претседателот на Европската комисија, Жозе Мануел Баросо, а потоа во седиштето на НАТО и со генералниот секретар на алијансата, Андерс Фог Расмусен.
Американско-европскиот самит ќе биде прва посета на Обама на европските институции откако влезе во Белата куќа. На тој собир ќе доминираат преговорите за слободната трговија меѓу ЕУ и САД кои запнаа по избувнувањето на аферата која потече од документите кои ги објави поранешниот соработник на американската Агенција за национална безбедност (NSA) Едвард Сноуден, која покажа дека Американците со години ги шпионирале европските институции, европските челници и своите сојузници.
Следува посетата на Барак Обама на Ватикан каде што е најавено дека американскиот претседател ќе му го изрази восхитот на папаа Франциск за неговата порака за нееднаквоста во општествата,, што треба всушност да претставува порака до противниците на Обама, републиканците во Конгресот кои се спротиставуваат на неговата политика за управување со американскиот буџет.
Турнејата завршува во петок и сабота со посетата на блискоисточниот американски сојузник саудиска Арабија, Ријад последните месеци изразува засилена загриженост поради нуклеарните преговори кои шесте светски сили ги водат со Иран, традиционалниот саудиски ривал во регионот. Исто така, Саудиска Арабија остро го критикуваше Вашингтон оценувајќи дека не им пружа доволно помош на сириските сунитски бунтовници.