По неколку месеци на правни натегања излезе од печат книгата „Сахара: Нераскажаната приказна“, во која хрононолошки е раскажан подемот и падот на бизнис-магнатот Субрата Рој.
Објавувањето на книгата долго беше одложувано бидејќи „Сахара“ го тужеше авторот на делото Тамал Бендиопадиај, специјализиран новинар во областа на економијата и финансиите. „Сахара“ неодамна ја повлече тужбата под услов во книгата да се појави и објаснување од самата компанија, објавува Фокус, повикувајќи се на информацијата на The Hindu.
Индискиот бизнисмен Субрата Рој веќе го продал првиот имот во обид да обезбеди пари за кауција и да излезе од затворот Тихар.