Фејзи Азири обвинет за случајот „Монструм“ кој беше осуден со правосилна судска пресуда на шест и пол години затвор за нелегално оружје, вечерва е уапсен на Клиниката за пулмологија и алергологија и ставен под полициски надзор пренесува ТВ Алфа.
Штипскиот затвор уште на 28 февруари го известил Судот и Управата за санкции дека Азири е во бегство но неговото апсење се случи месец ипол покасно и тоа откако денеска под притуисиок на јавноста излезе информација дека бегалецот ниту некој го барал ниту пак Судот и Управата за санкции знаеле каде е.
Денешното судење за случајот „Монструм“ беше одложено, поради отсуството на еден од обвинетите, односно Фејзи Азири кој бил хоспатилизиран на Клиниката за пулмологија. Обвинителката на СЈО Фатиме Фетаи реагираше поради одложувањето на рочиштето. Таа рече дека е несериозно остуството на обвинетиот да се правда само со еден документ дека е во болница.