Советот на јавни обвинители кој денеска требаше да избере нови обвинители за гонење организиран криминал и корупција поради немање кворум не успеа да одржи седница.
Според претседателот, Антонио Јолески, на денешната седница немаше кворум, односно на седница не се појавија тројца членови на Советот.
– Одлагањето е поради немање кворум. Обвинителот Љубомир Јовески беше запознат уште минатат недела, но сега ми рече дека е на состаноци. Не е тука ниту Љупчо Ивановски. Беше тука сабајле, но спомна дека има приватни проблеми. Иџет Мемети и тој рече дека е на состанок, објасни Јолески, по што беше одлучено изборот да се одржи в четврток.
Претседателот на Советот рече дека во јуни им истекува мандатот уште на тројца обинители и дека сака што побрзо да заврши изборот, бидејќи Обвинителството е доведено во тешка ситуација.