НУ Албански театар – Скопје со изведбата на Шекспировиот “Магбет” ја одбележа 65. годишнината од постoењето. Формиран е во 1950 (заедно се Турскиот театар тогаш како драми на Малцинскиот театар во Скопје, подоцна Театар на народностите) и во jули истата година ја имал првата премиера – Гогољевата “Женидба”.
Во одбирот на актерите за овој “Магбет”, една од потешките но изведувани и екранизирани драми на Вилијам Шекспир, се 19 актери (и други, а се разбира во ансамблот има уште). Драмата е моќна, емоционална крвава приказна со настани и карактери кои со својата актуелност ги бришат временските разлики (напишана е околу 1606 година). Сплетки, убиство, шизофренија, диктатура, духови, пророштва, вештици, заговори, затвори, депресии, самоубиство, убиства, освети, преземања на власта.
Големиот актерски ансамбл дава сè од себе да ги реализираа сите елементи/нивоа на драмата. Музбајдин Ќамили Мучи (Магбет), Теута Ајдини Јегени (Леди Макбет), Бекир Нуредини (алтер его), Веби Ќерими (Кралот Данкан), Дрита Каба Карага (Леди Макдаф), Амернис Нокшиќи Јовановска, Зарие Јонузи и Мирлинда Саити (трите вештерки), Фисник Зеќири (Бзнко), Генци Мирзо (Макдаф), Хајрулах Рамизи (Енгус), Висар Етеми (Рос), Дритеро Аме (Малколм), Блерим Дарлишта (Доналбејн), Осман Амети, Ибрахи Џемаили, Асдрен Селими, Сулејман Ибрахим, Џанер Муциќ, се актери кои, во зададениот режисерски концепт даваат сè од себе да создадат сценски спектакл.