Македонија ја одложи понудата на еврообврзницата откако член на Социјалдемократскиот сојуз ја оспорил легалноста на нејзиното издавање, објави Ројтерс вечерва.
Издвањето на седумгодипната еврообврзница е одложено денеска откако до заедничкиот менаџмент составен од претставници на Сити, Дојче банк, Ерсте банк и Сосиете женерал кои требаше да тргуваат со неа било испратено писмо од член на СДСМ во кое се наведува дека земјата можеби нема легална основа за нејизно издавање, се наведува во изјавата на еден од главните гаранти на еврообврзницата испратена по имеил до Агенцијата.
Неименуваниот член од СДСМ во писмото истакнал дека издавањето на еврообврзницата, доколку се оствари, ќе биде сериозно прекршување на закони и регулативи во Македонија.
Според Владата, пишува Ројтерс, овој допис е политички мотивиран и нема законска основа за оспорување на надлежноста и издавањето на обврзницата.
Во изјавата се наведува дека Министерството за правда во име на Република Македонија и застапник на заедничкиот менаџмент на овие банки ќе објават соодветни законски опции во однос на надлежноста и валидноста на нејзиното издавање.
Од СДСМ ја потврдија информацијата и најавија соопштение.