Денеска во Осло, Организацијата за забрана на хемиското оружје (ОЗХО) ја прими Нобеловата награда за мир за 2013 година.
– Со годинешнава награда ги повикуваме земјите кои не се потписнички на Конвенцијата за хемиско оружје тоа веднаш да го направат, изјави на церемонијата претседателот на норвешкиот Нобелов комитет, Торбјорн Јагланд.
Генералниот директор на ОЗХО, Ахмет Узумцу, која ја прими наградата во вид на медал, диплома и осум милиони шведски круни (895.000 евра), истакна дека уништувањето на хемиското оружје е „благородна цел“. Воедно, оваа организација предизвика интерес кај јавноста поради својата улога во уништувањето на хемиското оружје во Сирија.
На почетокот на церемонијата за врачување на годинешната награда му беше оддадена почит на добитникот на Нобеловата награда за мир во 1993 година, Нелсон Мандела .
– Пред 20 години Нелсон Мандела стоеше на овaa сцена и ја прими Нобеловата награда за мир заедно со Фредерик де Клерк. Неговата победа над апартхејдот, неговото одбивање да и се предаде на горчината и желбата за одмазда претставуваат една од најголемите победи на човештвото, истакна Јагланд.