Според извештајот на експертскиот тим на ОН, во Сијара „веројатно било употребено“ хемиско оружје на пет од седум истражени локации. Во извештајот не се наведува дали за наведените напади се одговорни владините или опозиционите сили, јавува АП.
Во извештајот кој беше објавен вчера се наведува дека нервниот агенс сарин бил користен за време на нападот на 21 август во близина на Дамаск.
Нападот предизвика осуда во целиот свет и беше повод за мисија на ОН за да се уништат залихите на хемиско оружје на сириската влада.
Во извештајот се вели дека има докази кои покажуваат дека хемиско оружје, исто така, веројатно се користело и за време на некои други напади во периодот меѓу март и крајот на август.