Авалон Продукција соопштува дека и покрај нивната молба до менаџментот на One Republic за одреден број гратис влезници, за концертот на светски популарниот бенд во Скопје, нема да има ниту еден гратис.
– „This is not a complementary tour“, е одговорот кој Авалон го добиле од менаџментот на One Republic.
Продукцијата вели и покрај обидите на десетици портали, кои постојано растат на Интернет, кои се обидуваат да се акредитираат, за жал не се во можност на сите да им излезат во пресрет, затоа што за овој концерт им се дозволени само 25 новинарски акредитации – (правопропорционално на големината на земјата).
Иако до концертот има уште еден месец, повеќе од 60 % од капацитетот на салата е веќе распродаден, а многу е веројатно дека до крајот на оваа недела некои категории од влезниците веќе нема да ги има во продажба.