Онлајн дебата #ВозможноЕ ќе се одржи денеска во организација на Програмата за развој на Обединетите Нации (UNDP), Министерството за животна средина и просторно планирање и платформата Климатски промени. Тема на дискусијата е предизвиците и добрите практики за справување со климатски екстреми и ризици.
Целта е преку дискусија на претставници на различни општествени чинители да се истакне итноста за справување со климатските промени и за поставување на реални мерки за справување со временските екстремни појави предизвикани од климатските промени.
На дебатата ќе учествуваат претставникот на УНДП Аги Верес, министерот за животна средина и просторно планирање Насер Нуредини, министерот за земјоделство, шумарство и водостопанство Аријанит Хоџа, директорот на Центарот за управување со кризи Стојанче Ангелов, Анита Коџоман, координатор на програмата за животна средина и управување со ризици и кризи во УНДП, како и претставници од Националната федерација на фармери, Институтот за земјоделие, Управата за хидро-метеоролошки работи, приватниот сектор, невладини организации и медиуми.
Онлајн настанот ќе биде поделен во три сесии, во кои на крајот, претставници од невладините организации, медиумите и граѓаните на говорниците ќе им постават прашања, поврзани со темите кои ќе бидат дебатирани.
Претходно, во рамките на #ВозможноЕ веќе се одржаа две панел дискусии, едната на тема „Националните придонеси за климатските промени во фокусот – #ВозможноЕ да се постигне глобалната цел за климатски промени од 1,5 степени со амбициозна #КлиматскаАкцијаСега“ која се одржа на 21 април и втората на 2 април на тема „Зелено закрепнување.