Украинскиот парламент изгласа денес закон за укинување на кривичниот законик според кој беше осудена Јулија Тимошенки и со тоа се отвори патот за нејзино ослободување.
Тимошенко, поранешната премиерка, беше осудена за 7 години затвор во 2011 година за злоупотреба на власта откако претседател стана Виктор Јанукович. Тимошенко му беше главниот политички противник на Јнанукович.
Законот беше усвоен со 310 гласа “за” од вкупно 450 гласови. За да стапи на сила мерката треба да биде потпишана и од претседателот Јанукович.
Апсењето на Тимошенко беше опишано како “политичка освета” од страна на опозицијата што предизвика сериозна криза помеѓу Киев и ЕУ. Ослободувањето на Тимошенко беше еден од условите што ЕУ му ги постави на Киев за да може да се потпише договорот за соработка помеѓу двете страни.
Овој закон беше усвоен веднаш штом Јанукович и претставниците на опозицијата постигаа договор за да се стави крај на кризата која во Украина трае веќе неколку месеци.
Нешто порано, опозицијата во Украина го прифати договорот за завршување на кризата во Украина, јавуваат светските медиуми.
И покрај синоќешните долготрајни преговори со посредство на претставници на Европската унија, киевската полиција соопшти дека утринава повторно имало пукања во главниот град на Украина.
Сепак, како што информираше претседателот на земјата, Виктор Јанукович утринава на својата веб-страна, договорот е постигнат.
Со новопостигнатиот договор се предвидува предвремени претседателски избори, коалициона Влада и промени во Уставот.
Украина од ноември минатата година наликува на бојно поле, а жртва на постигнатиот договор се стотици загинати и повредени. Украинскиот народ се спротиставуваше на обидите на Јанукович да ја зачува својата положба во земјата во полза на поблиска соработка со Русија, иако украинскиот народ одамна ја истакна својата волја дека својата иднина ја гледа во демократија и соработка со Европа.