Д-р Конрад Мареј го напушти затворот во Лос Анџелес под придружба на тамошниот шериф, избегнувајќи ги новинарите и фановите на Мајкл Џексон кои чекаа на неговото ослободување.
Мареј отслужи две години од четирите пресудени под обвинението дека ја предизвикал смртта на „Кралот на попот“, а според портпаролот на шерифот од Лос Анџелес, Стив Витмор, тој бил придружуван од страна на полицијата поради безбедносни причини.
Мареј, кој од портпаролот на шерифот беше опишан како типичен пример за затвореник, беше чуван далеку од општото затвореничко население за време на неговиот две-годишен престој во затвор. Нему му беше дозволена либерална употреба на телефон.
Според неговиот адвокат, Мареј ќе се обиде да си ја врати медицинската лиценца со цел да продолжи со кариерата.
Според поротата, негрижата на докторот Конрад Мареј придонела до смртта на Џексон.
Кардиологот кој беше ангажиран како личен доктор на поп иконата по неговото враќање од турнејата во 2009, им соопшти на истражителите дека два месеца му давал на Џексон ноќни инфузии со пропофол со цел да ја излечи неговата несоница, со што би се одморил по пробите.