ОСТЕН Скопје започнува со нова активност OSTEN4ART – континуирана изложба на која ќе се изложуваат пристигнатите дела за претстојните ОСТЕН БИЕНАЛЕ НА ЦРТЕЖ и СВЕТСКА ГАЛЕРИЈА НА КАРИКАТУРИ.
Ќе бидат изложени сите дела кои што ќе пристигнат на адресата на ОСТЕН од уметниците и карикатуристите ширум светот. Постваката ќе се менува континуирано, како што ќе пристигнуваат делата од авторите кои се пријавиле на отворениот повик.
Така, континуирано ќе можат да се следат уметничките достигнувања на сите уметници и карикатуристи кои се пријавиле на ОСТЕН БИЕНАЛЕТО на ЦРТЕЖ Скопје 2016 и СВЕТСКАТА ГАЛЕРИЈА НА КАРИКАТУРИ Скопје 2016, со кои ОСТЕН гордо се впишува во мапата на европските и светски културни случувања.
Континуираната изложба OSTEN4ART – PREVIEW ќе може да се посети секој работен ден во галерија ОСТЕН (8-ма Ударна бригада 2, Скопје / влез од Максим Горки) од 09:00 до 17:00 часот (сабота 10:00 до 13:00 часот).
ОСТЕН ги повиува уметниците да аплицираат и бидат дел од овие престижни манифестации и континуирани активности.