„Согласно досега обработените податоци, досегашниот откуп изнесува 82%, (односно 120.000 тони) од планираната количина домашна пченица која ќе се движи во границите на откуп од претходните жетви“, соопштуваат од министерството за земјоделство, шумарство и водостопанство кои како што велат остварува секојдневна комуникација со сите фактори вклучени во процесот на откуп на пченица.
Како министерството за земјоделство, шумарство и водостопанство апелираме, дека во овој момент, од особена важност е сите инволвирани страни во процесот на откупот на пченицата да бидат фокусирани на дополнително интензивирање на откупот на пченицата која што се уште не е откупена, односно на целосно завршување на откупот на истата, што ќе значи заштита на интересите на индивидуалните земјоделски производители на пченица, заштита на интересите на домашните комапнии од мелничко-пекарскиот сектор како и стабилизирање на домашниот пазар со пченица и брашно.
Како што НОВА веќе објави Србија најави дека полека ќе ги воведува реципрочните мерки кон Македонија за увозот на пченица.
>>Анакиев:Некомпетентни луѓе во Министерство за земјоделство
-Македонската Влада не ја повлече одлуката со која се ограничува увозот, според нашите информации такво нешто не се подготвува. Иако не беше прецизиран рокот за укинување на одлуката, тие ни ветија дека тоа ќе го направат во разумен временски период. Ние мислевме дека тоа ќе биде во средината на август, но еве тоа уште не се случи, изјавила Бојана Тодоровиќ, помошник на министерот за внатрешна и надворешна трговија.
Иако потпретседателот на српската Влада, Расим Љајиќ и министерот за земјоделство Љупчо Димовски уште на 10-ти јули на состанокот во Скопје се договориле дека ќе биде укината одлуката, до такво нешто не дошло, па затоа, според Тодоровиќ оваа мерка стана неопходна.
Да потсетиме потпретседателот на срспката Владата Расим Љајиќ изрази очекување дека нема да има потреба од воведување на контра мерки и дека Македонија ќе ја повлече одлуката со која се ограничува увозот на пченицата.
-Цефта од Македонија бара да ја повлече одлуката со која се крши спогодбата за слободна трговија и јас искрено се надевам дека тоа ќе се случи во најскоро време изјави Љајиќ (16.082013) во интервју за Нови Магазин.