По подолг период, отворен е независниот центар за култура во Скопје, на старото кино култура. Основачи на центарот се организациите „Локомотива“ и „Театарот на навигаторот Цветко“ со помош на општина Центар.
Директор на „Кино Култура“ ќе биде режисерот Александар Поповски, а режисерот Слободан Унковски кој е дел до тимот истакна дека овој Културен центар ќе биде независен и нема да влијае од комисиите за театар и министерство за култура, иако се надева дека надлежните ќе го поддржат проектот.
-Ова е старото кино култура што е градено 33 години на овој век и сега му се менува функцијата во еден мултифункционален, мултиуметнички центар кај што ќе се развијат разни активности во областа на изведувачките уметности и во другите истражувања на разни облици на културата.
Овде репертоарот ќе го одредуваат нашиот управен одбор составен од разни профили, од независната култура сцена, граѓани итн. и нема да биде под влијание на министерството за култура, оваа институција ќе биде ослободена од која било комисија за театар да одлучува за репертоарот што ќе игра тука, истакна режисерот Слободан Унковски кој е уметнички директор на Театар на Навигаторот Цветко.
Свеченото отварање ќе се одржи утре со концерт на групата „Фолтин“.