Џабир Дерала Претседател на Цивил – Центар за слобода, излезе со отворено писмо до турскиот премиер Ердоган, во кое протестира за бруталноста на полицијата на протестите:
Премиере Ердоган,
Ова ќе биде многу кратко обраќање. Не се потребни многу зборови да се објасни што чувствувам за твоите методи и што мора да се направи без ниеден миг одлагање. Премиере Ердоган, еве:
Згрозен сум и разгневен од акциите на турската полиција која оперира под твоја команда.
Теророт на улиците на Турција мора да запре веднаш.
Вистинското лице на твојот режим се разоткри.
Твоето место е в затвор.
Сега, ти мора да поднесеш оставка и да се соочиш со правдата која ќе ја спроведе нова влада. Ти и твојата партија не треба да добиете право да учествувате во еден демократски процес наречен избори. Исто како што гангстерските партии на фашисти во други земји се забранети или заслужуваат да бидат забранети.
Сите извршители на злосторства против луѓето кои беа тепани, затворани, тортурирани и убиени на улиците на турските градови во изминатите денови мора да ти се придружат во затворот откако ќе им судат независни и чесни судии.
Ова е лична порака, но верувам дека многу од моите пријатели и колеги ги споделуваат овие мисли и чувства со мене. Ние растеме и нашата солидарност расте. Ти и твоите крвожедни слуги сте сами и ќе изгубите. Престани, пред да пролееш уште крв. Не се натпреварувај со твојот колега касапин од сириската страна.
Не заслужуваш повеќе зборови од мене.
Џабир Дерала
Претседател на Цивил – Центар за слобода