Од 1 ви април се намалуваат цените на 336 генерички и 226 оригинаторни, односно иновативни лекови, најави денеска министерот за здравство Венко Филипче. Според, Филипче намалувањето на максималните цени ќе доведе до намалување на големопродажните и малопродажните цени на лековите, а вкупната заштеда на годишно ниво ќе биде над 2 милиони евра.
Министерот изјави дека цените се намалуваат од 40 до 50 отсто, а со ова намалување се опфатени сите групи на лекови од постоечката позитивна листа.
„Заштедата кај генеричките лекови на годишно ниво изнесува 993.000 евра, додека кај иновативните лекови изнесува 1.388.600 евра или вкупно 2.381.600 евра. За компарација во 2016 година вкупната заштеда кај оригинаторните и генеричките лекови изнесувала 1.126.000 евра, а во 2017 заштедата изнесувала 398.315 евра“, изјави Филипче.
На прашање на НОВА зошто Владата ги намалува цените на лековите наместо прво да ја смени прошири позитивната листа на лекови, Филипче со одговор дека со дел од заштедата од намалувањето ќе обезбедат буџет со кој понатаму ќе ја прошират позитивната листа на лекови.
„ Со намалувањето на цената ќе обезбедиме поевтини лекови, а потоа со заштедата ќе можеме да ја прошириме позитивната листа на лекови. Проширувањето на позитивната листа не бара само поголема сума на пари туку и фармако-економски анализи за нови лекови кои што сакаме да ги ставиме во оваа листа, бара смена на методологијата бидејќи сега за да се состанат треба да се соберат 14 комисии од која секоја има по 17 члена. Тоа е практично невозможна мисија. Тоа што сега го правиме и го менуваме е во начинот на кој ќе се состави една комисија која што треба да биде оперативна. Значи од некаде мора да тргнеме“, изјави министерот Филипче.
Тој најави дека листата на лекови на кои им е намалена цената ќе бидат јавно објавени на 1 ви април.
Што се однесува до проблемот со лековите на рецепт кои ги има само во првата половина од месецот, Филипче рече дека со ФЗОМ бараат начин да го сменат начинот на плаќање на аптеките и дека е сигурен дека во скоро време ова нема да се случува. Во меѓувреме ФЗОМ има преодно решение со зголемување на квотите, а во скоро време ќе најдеме трајно решение како да се реши овој проблем, рече Филипче.
„