Автомобилските марки Волга и Москвич би можеле да заживеат во Русија, изјави рускиот министер за индустрија и трговија Денис Мантуров.
„Можам да ги откријам плановите на нашата автомобилска индустрија. Како прво, веќе не е тајна дека ќе се произведува „Москвич“.
Според него, ваквата идеја може да се реализира на различни локации, пренесува РИА Новости.
На почетокот на јуни поранешната фабрика на францускиот производител на автомобили Рено во Москва, Рено Русија, официјално беше преименувана во Москвич.
Планирано е компанијата во иднина да започне со производство на електрични автомобили под истото име.
Од Министерството за индустрија и трговија напоменаа и дека фабриката има намера да соработува со странски брендови, а годинава ќе почне пуштањето на нови артикли.