Папата Францис одлучи да не се пресели во папскатите станови на Апостолската палата, туку да живее во Домот на Света Марта во Ватикан, каде бил сместен со останатите кардинали за време на конклавата, соопшти портпаролот на Ватикан, Отец Федерико Ломбарди.
“Тој експериментира со овој тип на живеење, кој е едноставен”, но му овозможува “да живее во заедница со другите”, двајца постојани жители – свештеник и епископ кои работат во Ватикан, како и гости кои доаѓаат во Ватикан за состаноци и конференции со папата, додаде отец Ломбарди.
Инаку, Домот Света Марта е изграден специјално за престој на кардиналите при избор на нов папа, има 120 соби и неколку скромни апартмани.
Папата Францис ќе биде првиот папа во последниве 110 години да не живее во папските апартмани, на третиот кат од Апостолската палата.