Парадата на гордоста која утре попладне ќе се одржи во Будва ќе биде тест за црногорската држава кој треба да покаже дали општеството созреално со демократските промени, особно во однос на почитувањето на човековите права и слободи, сметаат од ЛГБТ Форумот за прогрес од Црна Гора.
Од ЛГБТ Форумот за прогрес сметаат дека ќе биде успех ако на парадата се појават повеќе од три припадникана ЛГБТ популацијата, а истакнаа дека очекуваат околу десетина учесника.
Претставникот на Форумот Александар Зековиќ вели дека нивното истражување покажало дека мал е бројот на припадници на ЛГБТ популацијата кои поддржуваат организирање на јавни собири, а дека уште помал е бројот на оние кои се подготвени да се појават на таков собир.
Но, според него, ова треба да е дополнителен мотив припадниците да се охрабрат во борбата за нивните права.
Од усвојувањето на владината стратегија за унапредување на положбата на ЛГБТ луѓето во Црна Гора, ЛГБТ Форумот почнал да размислува за нејзина промоција и, според нив, така настанала идејата за организирање повеќе паради на гордоста.
Засега нема потврда дека владини претставници ќе присуствуваат на парадата на гордоста, иако организаторите отворено ги канат за да покажат не само декларативна, туку вистинска поддршка за правата на ЛГБТ популацијата.
Организаторите успеаја да го надитрат конкурентското здружение НВО Квир Црна Гора кое претходно закажа парада на 27 Окомври во Подгорица, но се очекува најмалку двајца претставници од оваа организација да ја поддржат парадата.
Од полицијата веќе гарантираа дека ќе се погрижат за безбедноста на настанот, а и други владини претставници, барем декларативно, ја изразија својата поддршка.
ИЗВОР: Блиц Онлајн