Стотици полицајци ќе го надгледуваат денеска сообраќајот во Париз откако нивото на загаденост ја натера француската влада да наметне сериозни рестрикции.
Само на возилата со непарен број регистарски таблици ќе им биде дозволено да се движат.
Во вторник пак, доколку рестрикциите сеуште важат, ќе им биде дозволено движењето на возилата со регистарски таблици кои имаат парен број.
Овие мерки на владата во Франција доаѓаат откако нивото на загаденост на воздухот е поголемо од дозволеното веќе пет дена во главниот град на Франција.
Ваквите резултати се резултат на комбинација од ладни ноќи и топли денови, кои спречуваат разместување на загаденоста.
Оваа мерка во Париз беше за првпат искористена во 1997 година. Според француското тело за регулација, оваа мерка имала значаен ефект во подобрувањето на квалитетот на воздухот.
Исклучок има за електричните и хибридните возила, за возилата со три или повеќе патници, додека правилата пак ќе важат за моторите.
За прекршителите на рестрикциите ќе следува казна, а за возилата со парен број предвидени се слободни паркинг-места.
Од петокот, јавниот транспорт беше слободен три дена по ред со цел да се охрабрат луѓето да ги остават возилата дома.
Квалитетот на воздухот во Париз е помеѓу најлошите, потенцираат од француските агенции за животна средина.
Во петокот, нивото на загаденост достигна до 180 микрограми на еден кубен метар на ПМ10 честичките, двојно повеќе од дозволените 80.
Според властите, еден ден со засилени дождови би имал значително поголем ефект од еднодневна рестрикција.