Во Молдавија денеска се одржуваат парламентарни избори пришто над три милиони граѓани со право на глас ќе го изберат новиот состав на Парламентот. Изборниот модел за првпат е мешовит и 101 пратеник ќе бидат избрани со комбинација на пропорционалниот и мнозинскиот систем.
Според последните испитувања на јавното мислење, во водство е Социјалистичката партија на претседателот на државата Игор Додон, која се залага за приближување кон Русија и влез на земјата во Евроазиската економска заедница. Се очекува оваа партија да добие околу 50 отсто од гласовите.
На второ место е коалицијата АЦУМ што ја сочинуваат двете партии кои се залагаат за членство на Молдавија во ЕУ и во НАТО.
На трето место е Демократската партија на олигархот Влад Плахотник што заговара обнова на односите со Брисел кои се влошени од 2018 година, но истовремено и за коректни односи со Москва.
Поранешна советска република со 3,5 милиони жители се наоѓа меѓу Романија и Украина и со години е растргната меѓу приврзаниците за приближување кон Европската унија и оние за поблиски врски со Москва.