Пациент заразен со западнонилска треска е хоспитализиран на Клиниката за инфективни болести во Скопје.
Од Центарот за јавно здравје соопштија дека случајот на заразениот скопјанец бил лабораториски потврден во оваа здравствена институција.
Според информациите, станува збор за 66-годишен пациент кој е сместен во одделот за интензивна нега со воспаление на мозокот.
Ова е прв потврден случај на лице заразено од западнонилска треска во Македонија оваа година.