Три лица загинаа, меѓу кои и едно дете, а осум беа ранети во рускиот напад врз украинскиот град Павлоград во вторникот, објави регионалниот гувернер на регионот Дњепропетровск, Сергеј Лисак.
Агресорот повторно изврши масовен напад врз регионот со беспилотни летала, напиша Лисак на Телеграм, додавајќи дека 11 беспилотни летала се уништени во областа.
Регионалниот гувернер, исто така, посочи дека шестмина од повредените се хоспитализирани, додека на другите двајца, меѓу кои и едно 15-годишно девојче, им е укажана медицинска помош на местото на настанот.
Лисак истакна дека како резултат на нападот избувнале неколку пожари и дека спасувачките операции продолжуваат.
Павлоград е индустриски град со предвоено население од околу 100.000 луѓе. Тоа е важна железничка раскрсница за регионот Дњепропетровск, бидејќи го поврзува со Источна Украина.
Градоначалникот на Харков во североисточна Украина, исто така, пријави напад со беспилотно летало и рече дека прелиминарните информации укажуваат дека е предизвикана штета на неколку приватни згради.