Северна Македонија и Австрија во континуитет градат пријателски и партнерски односи во повеќе сфери од заеднички интерес. Австрија дава континуираната поддршка за аспирациите на Северна Македонија за членство во Европската Унија, истакнал македонскиот претседател Стево Пендаровски на денешната средба со Австрискиот амбасадор Георг Вуцас, и притоа ја потенцирал важноста за скорешно одржување на меѓувладината конференција и формалниот почеток на пристапните преговори за членство, соопштуваат од Кабинетот на Претседателот.
Во контекст на актуелната состојбата со пандемијата од Ковид-19, претседателот Пендаровски се заблагодарил за напорите на Австрија да го администрира распоредувањето на вакцините „Фајзер/БиоНТек“ од Европската Унија за земјите од Западен Балкан, вклучувајќи ја и Северна Македонија, која по овој основ до крајот на август треба да добие 119.000 дози.
-Претседателот Пендаровски се заблагодари за демонстрираната солидарност и оцени дека Европската Унија и Република Австрија со овој чин даваат значаен придонес во борбата на земјите од Западен Балкан со пандемијата, наведуваат од кабинетот на Пендаровски.