Претседателскиот кандидат, Стево Пендаровски, во битолско – ресенскиот регион, на ден пред изборниот молк испраќа конкретна порака до граѓаните за гласањето в недела, соопштува СДСМ.
-Кутиите да ги чуваме, ако треба да не спиеме. Волјата на граѓаните е смена на власта, веќе е јасно. Со волјата на народот актуелната власт не може да победи. Тие ќе се обидат да ги употребат сите механизми, од пари до закани, но сетете се, за до кога? За два дена? И потоа старата мака следните 4 – 5 години, со ризик да си ги изгубиме и овие луѓе кои ни останаа во земјава. Издржете, да не дозволиме да ја фалсификуваат волјата на народот.
Излезени се во голем број по улиците, од млади до стари луѓе кои едвај одат. Даваат поддршка, се сликаат со него, си ги кажуваат маките и изразуваат надеж.
Тмурно е над Македонија, осветли ни ја. Овој емотивен коментар беше од жител во село Сопотница, но не е единствен.
Повозрасна жителка која со бастунот едвај се качи по стрмните скали до студената сала на Месната заедница во село Суводол, вели дошла да му ја стегне раката на Стево, да го поддржи и да порача дека власта, за доброто на сите, мора да замине.
Луѓето во Демир Хисар правеа споредби со полните улици за Стево Пендаровски денеска, наспроти вчерашната посета на кандидатот на ВМРО-ДПМНЕ кога било празно.
Ни наметнаа други давачки, а наводно ни даваат субвенции. Не даваат. Партиски ги делат и тоа пред избори. Никој не смее да не уценува за нашиот труд. Овие категорични пораки се слушнаа од жители во Могила.
-Меѓу нас има голема разлика. Тие мислат само за 5 -6 луѓе околу нив.Ние мислиме за сите. И сега велите немало посетеност. За која политика што ја спровеле, ќе речат добро е? Во социјалата, образованието, економијата?
Ве повикувам да гласаме, за комплетно нова политичка структура, што ќе ни ја повлече Македонија напред, повика претседателскиот кандидат Стево Пендаровски, соопштува СДСМ.