Песните на Бритни Спирс се користат од страна на морнарицата за да ги избркаат пиратите во Сомалија од брегот на источна Африка.
Помеѓу нив, „Oops! I Did It Again“ и „ Baby One More Time“ пуштени преку звучници, засега се покажале како најпродуктивни во однос на „бркањето“ на пиратите, пишува музичкиот портал „НМЕ“.
„Нејзините песни се избрани од страна на безбедносниот тим, бидејќи тимот сметаше дека пиратите најмногу би ги мразеле нив. Овие луѓе не можат да ја поднесат западната култура или музика, што ја прави музиката на Бритни совршена. Штом пиратите го слушнат ритамот на Бритни, тие многу брзо се оддалечуваат“, изјави за „Метро“ офицерот Рејчел Овенс, кој работи на големите танкери на источниот брег на Африка.
Според Стивен Џонс од Безбедносната Асоцијација пак, пиратите бегаат на должина до која музиката воопшто не се слуша.
„Можам да замислам дека кога би се употребил Џастин Бибер на пример, тоа би било против Женевската конвенција“, вели тој.
Кралската морнарица вработува 1.500 морнари на 14 воени бродови за заштита од пирати.
Евиденцијата покажува дека имало 176 напади врз бродови во Африка во 2011 година.
Бритни Спирс неодамна откри дека нејзиниот нов албум ќе се вика „Бритни Џин“. Бритни нејзиниот 8ми албум ќе го издаде на 3ти декември.