Пет млади луѓе колабирале поради топлото време изминатите два дена. Екипите на итната медицинска помош интервенирале кај три случаи на лице место, а другите двајца биле однесени во Ургентиот центар, потврдија за НОВА во Здравствениот дом Скопје.
Иако не спаѓаат во ризичните групи (станува збор за млади од 20-25 години) недоволното земање течности, нередовното јадење и спиење се одразуваат негативно на здравјето на топлото време.
Наглото зголемување на температурата и горештините го чувствуваат сите врз здравјето, особено хроничните болни. Вчера имало 109 интервенции во Итната медицинска помош, за разлика од викендот кога имало 90 повици. Иако бројот од 80 до 120 интервенции лекарите го сметаат за вообичаен број, сепак зголемен е бројот на повиците од хроничните болни, луѓе со висок притисок, со кардиоваскуларни болести, срцеви болни, асматичари.
„Треба да се почитуваат препораките од лекарите бидејќи самозаштитата е најважна,“, изјави за НОВА Татјана Баевска Вучковиќ, директорка на Здравствениот дом
Утре и задутре ќе биде прогласена жолта фаза поради енормно високите температури, па лекарите препорачуваат без потреба да не се излегува од дома. Нема информација дали ќе им бид есктратено работното време на работниците кои работат на отворено.
Според најавите, од утре ќе почнат да функционираат мобилни лекарски тимови на отворено, на плоштадите и во градските паркови, каде што ќе се мери притисок, и ќе се вршат неопходните прегледи. Лекарските тимови ќе функционираат во Скопје и на територија на цела држава
Лекарските тимови формирани од Здрваствените домови на пунктовите ќе функционираат во периодот од 18 и 30 до 21 и 30 часот.