Во пресрет на државниот празник – 23 години од Денот на независноста на Македонија, Скопје се разбуди со „чета“ нови споменици.
Во овие моменти во тек е поставувањето на петтиот споменик од оние кои беа донирани од Здружението за духовно обединување на Сетинци, Попадинци и Крушоради од Лерин од Скопје – Македонија, кое речиси е анонимно за јавноста.
Споменикот е на Михајло Апостолски и се поставува на кружниот тек во близина на Континенетал, јавува Веб порталот Први.мк
Поставувањето на споменикот го надгледува Валентина Стефановска, авторка на повеќе споменици, меѓу кои и споменикот на Александар Велики на градскиот плоштад.
Освен споменикот на Апостолски, претходно беше поставен и споменикот на Пере Тошев – на аголот на Универзитетската библиотека. Во негова близина е споменикот на Никола Петров Русински. Кај Судска Палата е подигнат споменикот на Андон Лазов Јанев –Ќосето, а се поставува и споменикот на Ѓорѓи Сугарев.
