За само неколку дена две илјади луѓе се потпишаа на електронската петиција во која изразуваат несогласувања со организаторот на одборот на новосадскиот фестивал на тамбурашите, на таа манифестација да настапи Цеца Ражњатовиќ.
Во текстот на петицијата е наведено дека оваа турбо фолк пеачка „со своите песни за време на деведесетите години учествувала во пропагандна машинерија која имала за цел да ги држи граѓаните во воен стрес“, објавува slobodnaevropa.org
Еден од потписниците на оваа петиција, млад уметник и драматург Томислав Челекетиќ, вели дека не е основниот проблем во нејзината музика, туку во она што таа го претставувала.
„Не сум некој кој ја слуша нејзината музика, но тоа не е поентата. Пред се таа стилски не се вклопува со оваа традиционална манифестација. Друга работа е нејзиниот лик и дело поради купиштата работи кои ги направи во својата кариера и поради што не треба да биде пример за младите луѓе“, вели за Слободна Европа, Челекетиќ.
И покрај негодувањата на жителите на Петроварадин, организациониот одбор не отстапува од настапот на вдовицата на Жељко Ражњатовиќ Аркан.
„Петицијата ја покрена една мала група на луѓе, текстот е некоректен и невкусен и според реакциите на граѓаните гледаме дека немаат никаква поддршка. Очекувам годинава да имаме рекордна посетеност“, вели за slobodnaevropa.org, претседателот на организациониот одбор Јован Пејчиќ.