Пет лица се повредени, од кои едно потешко, кога плинска боца експлодирала во ресторан за брза храна во центарот на Белград. Инцидентот се случил утрово во 9 часот, јави дописникот на МИА од Белград.
Од српското Министерство за внатрешни работи за РТС потврдија дека Експлозијата се случила во ресторан за брза храна за време на поправка на плинска боца. Локалот целосно е уништен, а од силината на експлозијата оштетени се уште два локала и искршени се прозорците во околните згради.
На терен се излезена четири противпожарни екипи со 17 пожарникари.
Сите повредени се пренесени во Ургентниот центар и медицински се згрижени.
Како што изјавија очевидци, експлозијата била толку силна што помислиле дека нешто се урнало.